ANGAY NGA SAMANG IPANGHIMARAUT ANG PAGPANGATAKI NGA NAHITABO SA NEW YORK UG WASHINGTON D.C. UG ANG TERORISMO SA IMPERYALISMONG U.S. NGA INADLAW-ADLAW NANG GIPATAGAMTAM SA KATAWHAN SA TIBUOK KALIBUTAN

Gregorio "Ka Roger" Rosal
Spokesperson
Communist Party of the Philippines
Setyembre 15, 2001

Gipanghimaraut sa Partido Komunista sa Pilipinas (Marxismo- Leninismo-Maoismo) ang wala kinahanglanang pagkamatay sa daghang inosenteng sibilyan nga dulut sa pagpahugno sa World Trade Center Building sa New York City ug sa Pentagon sa Washington D.C. ug sa pagpahagsa sa usa ka eroplano sa Pennsylvania sa US. Nakighiusa kami sa kasub-anan sa mga nailo sa mga inosenteng biktima niining pagpangataki.

Apan buyon niini, angay usab nga hingpit nga kundenahon ug batukan ang labaw�ng dautan pang terorismo nga inadlaw-adlaw�ng gibuhat ug gilungsad sa imperyalismong US batok sa mga katawhan sa tibuok kalibutan. Dili nato kalimtan nga minilyun-milyon hangtud bilyon ang inadlaw-adlaw�ng biktima sa pagpahimulos ug terorismo sa imperyalismo sa pagpanguna sa gubyernong US.

Daghan na kaayo ang mga biktima nga mga inosenteng katawhan sa mga musunud:

1. walay pugong nga agresyon sa US ngadto sa Iraq ug uban pang nasud nga wala musunud sa mga imperyalistang patakaran;
2. �blokeyong pang-ekonomiya� sa US batok sa mga nasud sama sa North Korea ug Cuba;
3. makasaysayanong pagpanakup sa Israel sa yuta sa mga Palestino sa Middle East, nga gihulhugan ug padayon nga gipasiugda sa US ug Great Britain; ug
4. pinugsanay�ng pagpatunhay sa mga patakaran sa imperyalistang �globalisasyon� ug uban pang patakarang neokolonyal ngadto sa mga kolonya ug neokolonya sa US, nga nagdulut og padayon nga pagkabanlud sa kalisdanan, kagutom ug nagkalain-laing matang sa pagpanglupig sa kadaghanang katawhan sa kalibutan.

Mao kini ang tinuud nga hinungdan ug tinubdan kung ngano, gawas pa sa mga naglungsad og rebolusyon, aduna usay mga grupong determinado nga maglungsad og mga pagpangataki sama sa gibuhat sa syudad sa New York ug Washington D.C. Wala giuyunan sa rebolusyonaryong kalihukan ang ingon aning pamaagi sa pagbatok sa imperyalismo ug reaksyon.

Rebolusyonaryong pakigbisog sa tanang gipahimuslan ug gipanglupigan sa imperyalismong US ug uban pang reaksyon ang kinahanglang ilungsad sa mga katawhan sa tibuok kalibutan sa iyaiyahay�ng mga nasud hangtud nga masakmit ang gahum pang-estado ug makuptan kini aron makab-ut ang nasudnong kalingkawasan ug mapaasdang ang mga katilingbanong kausaban ug kauswagan.###

Back to top