Nairut a Petpetan Dagiti Nagun od a Balligi,
Ipinget a Patibkeren ken Palawaen Dagiti Larangan a Gerilya!
Pablaak iti Maika 34 nga Anibersaryo ti BHB

Komiteng Rehiyon
Ilocos Cordillera Region
Marso 29, 2003

Iti okasyon ti maika 34 nga anibersaryo ti Bagong Hukbong Bayan, idanon tayo ti nabara a kablaaw kadagiti amin a kameng ti BHB iti rehiyon ti Ilocos ken Cordillera. Di magatadan ti kinapinget ken kinasagana da nga agsakripisyo iti panangipatungpal kadagiti rebbengen iti nasaknap ken nasedsed a pannakigubat a gerilya. Kabayatan na, ited tayo met ti kangatuan a pammadayaw kadagiti rebolusyonaryo a martir iti nabannuar a panangisagut da iti biag da iti inda pannakipagpaset tapno magun od dagiti balligi ken iyabante ti armado a dangadang.

Napetpetan dagiti tarabay ti Partido iti panagitakder kadagiti larangan a gerilya nga addaan ti umun uneg ken lumawlawa a base a masa babaen ti relatibo a konsentrasyon ken kasta met dagiti tarabay iti panagitakder ti base a masa ken panagitakder ti Hukbo. Naipraktika dagitoy a tarabay iti kasasaad a napadisi ti maysa a bulok a Presidente ti pagilian iti kampanya a RIP ERAP, ken iti babaen ti turay ti impatugaw ti EDSA II a nakaro nga aso aso ti imperyalista nga US a ni Gloria Macapagal Arroyo. Dagitoy a kasasaad ket sarming ti agtultuloy a kumarkaro a krisis iti politika ken ti saan a pulos a makabangon nga ekonomya ti pagilian. Kagiddan daytoy a krisis ti umir irteng a militarisasyon iti panggep ti rehiman a lapdan ken parmeken ti rumegregta a rebolusyonaryo a tignayan ken armado a dangadang.

Bunga ti napinget a panangipraktika iti tarabay ti Partido, mailadawan dagiti panagabante tayo iti uneg ti dua a tawen kadagiti sumaganad:

1. Napalawa iti agarup 50% dagiti baryo a matigtignayan no sadino ket addan dagiti baryo ken tipak a naingato ti tukad iti konsolidasyon.
2. Nasurok a 100% ti dimmakkelan ti bilang ti base a masa, kasta met ti bilang dagiti aktibista a masa.
3. Rimmegta dagiti panagtignay ti umili para iti pang ekonomya ken pampulitika a pagimbagan da iti pannakaiyabante ti agraryo a rebolusyon no sadino ket agarup 50,000 dagiti benepisyaryo kadagitoy a panagtignay.
4. Dimmakkel iti nasurok 100% ti hukbo ken addan dagiti naitakder a yunit ti Sentro de Grabidad. Naparegta met dagiti taktikal nga opensiba iti 88%. Malaksid iti panagtultuloy a pannakaipangato ti pampulitika a kaammuan ken kabaelan a pangmilitar ti kabuklan nga hukbo.

Di met mailaksid ti naregta a panangipatungpal dagiti kabataan iti syudad ken sentro nga ili a nangted ti baro a dara ti kabataan nga intelektwal iti intar ti NPA. Nakatulong da tapno mapapigsa ti komposisyon a kadre ken kabaelan dagiti yunit ti hukbong bayan. Nupay kasta, kasapulan ti ad adu pay a bilang da a sumampa kadagiti larangan a gerilya.

Amin dagitoy ket mangipakita ti panagdur as ti armado a pannakidangadang iti rehiyon. Nupay kasta, daddadakkel koma pay a balligi ti nagun od no naan anayen a narimbawan tayo ti konserbatismo iti gawaing masa ken iti gawaing militar. Daytoy a konserbatismo ket kangrunaan a bunga ti panagduadua a mangiyabante kadagiti "breyktru" a trabaho, pannakaipisok kadagiti partikular a parikut ti masa ken pannakaitali kadagiti pang uneg a problema dagiti yunit. Malaksid pay iti kasasaad nga adu pay a masa iti sakup ti rehiyon ti agur uray iti pannakaitakder dagiti larangan a gerilya. Nakasentro ditoy dagiti rebbengen tayo iti sumarsaruno a panawen.

Tapno ipatungpal dagitoy a rebbengen, adtoy dagiti sumaganad a tulbek a rebbengen:

1. Kasapulan tayo nga ibangon dagiti kapigsa ti kompanya a larangan a gerilya ken itakder dagiti larangan kadagiti lugar nga agur uray pay kadatayo. Tapno maipatungpal daytoy, kasapulan tayo a paregtaen pay ti panagrekluta manipud iti intar dagiti aktibista a masa kadagiti sona ken ti agtultuloy a panagsampa dagiti kabataan iti syudad ken sentro nga ili.
2. Papigsaen tayo dagiti Sentro de Grabidad. Babaen iti daytoy, adda ti mangiyuna iti lallalo pay a pannakaparegta dagiti taktikal nga opensiba.
3. Ti narugyan a bwelo ti agraryo a rebolusyon ket kasapulan a paregtaen tayo pay ken ipatungpal iti nalawlawa pay a lugar.
4. Buklen ken palawaen pay ti nagkaykaysa a prente a pakaikuyogan dagiti napamulatan a kameng ti reaksyonaryo a gobyerno kadagiti lokalidad, kameng ti simbaan, ken uray pay paset dagiti agar ari a dasig tapno umakikid ken bumassit dagiti kabusor a parmeken ti rebolusyonaryo a pwersa ken umili.
5. Idur as ken patademen pay ti panangidaulo ti Partido, agpakalaing iti taktikal ken istratehiko a panangidaulo.

Agbiag ti Partido Komunista ti Pilipinas!


Agbiag ti Bagong Hukbong Bayan!


Agbiag ti umili a pilipino!


Kabataan, tumipon iti Bagong Hukbong Bayan!

Back to top