Tungkol sa mga POW na hawak ng Valentin Palamine Command

Dencio Madrigal
Kumander
Valentin Palamine Command
Regional Operational Command
New Peoples Army-Far South Mindanao Region
Setyembre 16, 2001

Among giangkon ang responsibilidad sa pagkadakop sa upat ka mga tawong gidudahang nangispiya sa rebolusyonaryong armadong kalihokan sa kabukiran sa Columbio, Sultan Kudarat. Kining maong mga tawo nailhang sila si Sarhento Jeremias Rosete, Pepito S. Simbulan, Wilfredo C. Maldecir, ug Herminia E. Sorongon. Nadakpan sila sa aktong nagpatuman sa ilang misyon sa pagpangispiya pinaagi sa pagpakaaron-ingnong mga NPA gikan sa Front 73. Nahitabo kini niadtong Septembre 4, 2001.

Nahibaloan kining ilang mga kontra-rebolusyonaryong aktibidad gikan sa mga taho sa lapad nga kutay sa mga masa alang sa reboliusyonaryong kontra-paniktik. Nakuha gikan kanila ang mga IDENTIFICATION CARD nga nagpaila sa ilang mga trabaho isip mga membro sa ahensya sa pagpangispiya sa Armed Forces of the Philippines. Nakuha sab gikan kanila ang usa ka Nokia Cellphone, usa ka pistola, ug duha ka DT motorcycle.

Walay angay kabalak-an sa ilang kahimtang. Kutob sa mahimo among ipatuman ang mga balaod mahitungod sa mga BIHAG SA GUBAT ug ihatag kanila ang ilang mga katungod. Anaa nay tinong instruksyon kining Command ngadto sa custodial forces nga maoy naggunit kanila.

Aron mabuhian sila, mas maayong kuhaon sa mga hingtungdang pamilya, higala ug uban pang mga nabalaka sa ilang kagawasan, ang kamandoan sa pagbuhi gikan sa upisina sa NDFP Peace Negotiating Panel. Ang maong upisina atua nahimutang sa Utrech, The Netherlands. Kinahanglan kini tungod kay sila ang gihatagan sa hingpit nga otoridad alang ning maong hisgutanan. Andam kaming mosunod sa unsa mang desisyon ug kamandoan nga makab-ut sa maong upisina ug ipatuman ang mga proseso sa pagbuhi nga itakda nila.

Samtang wala pa ang kamandoan sa pagbuhi, andam kaming modawat sa mga reklamo sa katawhan mahitungod sa kasong kriminal nga ipasaka batok sa mga bihag. Ang Command motabang ni bisan kinsang naabusohan ang mga katungod sa maong mga tawo nga makakuha�g hustisya gikan sa Hukumang Bayan. Sa pagkakaron, gihan-ay na ang mga lig-ong ebidensya sa kasong pagpangispiya nga iatubang kanila sa Hukumang Bayan. Ang pagpangispiya kung mapamatud-ang walay pagduha-duha adunay tugbang silot nga kamatayon.

Back to top