Alalahanin mo, kasama, sa. bawat paghinto't paghinga sa tigang na lupa, ang init ng daigdig laluna sa tag-araw; mailap ang ulan at laganap ang tag-gutorn, malakas man ang hangi'y yumuyuko lamang ang ublag na kawayan   Alalahanin mo ang mga wasak na dampa ng mga pinalikas: inaagiw ang mga kisame, abo ang mga haligi, kinakalawang ang mga galba, baklas ang dinding, sa. maruming solar anino na lamang ang masayang pagdalo ng mga naninirahan sa mga pulong, ang pagbubuo ng base, bago magreaksyon   Masdan mo ang matatayog na supling pang mga puno, nagsisibangunan sa gitna ng matataas na talahib kung saan inilibing ang mga martir. Sa dating kaingin, ngayo'y may mga ublag na tanging daanan, ligtas na ruta paghagibas sa mga larangan   Masdan mo ang bawat liko ng ilog ang matatarik na banging aakyatin padausdos, pahilig paakyat, taguan sa dumadagundong na helikopter na namamanginoon sa. papawirin habang ating pinag-aalinlanganan ang bawat sukal umiiri sa pag-akyat sa alapaap habang mahigpit ang hawak sa gatilyo handang magbuga ng kamatayan sa pinupuntirya Maingat mong suriin and bawat pwesto babaunin ba sa kamatayan ang kalabit at mahigpit na diin sa gatilyo o uutasin ang kaaway na nagtatanod dito?   Huwag na huwag mong iwawaglit sa gunita ang mga sinunog na bangkay, pinugutan ng ulo, pinagsamantalahang katawan ng patay na kasama, ang mga ngahalo't di na nakita pa, ang mga pinakain ng sigarilyo't ng kanilang bulbol ang mga binalian ng tadyang habang ang mga taksil at pasista'y nagpapakaligaya sa kanilang kamunduhan habang nagpapatawa ang mga announcer na nagbabalita ng mga promosyon ng mga heneral at masasaya nilang piging at tagumpay   Tandaan natin ang mga mandirigma hindi nanikluhod o nagmakaawa sa estado, hinahawakang mahigpit ang sandata, natiis kumain kahit walang asin, kahit ilang subo, tiniis ang ginaw ng gabi at init ng katanghalian, ang malayo sa kanilang minamahal; kinayang harapin ang mga suliranin nang buong tatag at nasawi. Kapag ito ay ating natandaan (ang paghihirap ng masa ang pagkaapi ng bayan at uri ay gahigante kung ihahambing sa sariling kapakanan, sa ating paghihirap at pagpapakasakit) mahaharap natin ang pagsusulong ng rebolusyon na handa ang loob diwa at isip