Napakalapit sa 'kin ngayon Ng pagkaganda-gandang Mayon; Diwa ko nama'y di mapigil maglakbay Tungong pagyakap sa nakagigigil na panganay Na bukas ay magdadal' wang taon. Ah, naging madalas na rin noon Na di ko nakakasama't nakakaniig Ang kabiyak kong iniibig, kahima't Nasa iisang lilim lang kami ngn Arayat.   Pamilyang mahal, Pagkakalayo'y mahapdi, waring kaytagal! Lamang, kailangang magpunyagi, Sa pagpapakasakit ay 'wag manghihinayang; Para sa magandang bukas, laluna nitong anak, Ang balang bunga ng mga pagsisikap. Para sa inyo, aking mga mahal, Sa malalayong bundok o kaya'y sa patag, Sisikapin kong huwag mapagal.   Napakalayo noon ng tagumpay; Ngayon naman, di na gaanong magtatagal!