Kalinong sang kagab-ihon Ang kokak sang mga paka kag hagunghong sang kabog Talunsay lang nga nagaupod sa pagpanakayon sa kahawaan sa wala'y katapusan.   Kahiwalay batyagon kon ang kapalibutan wala sang kalisang Ang tanan ginasandig Sa kamatuoran.   Ilupag mo ako O, dupoy-dupoy sa imo'ng pagbutyog sa mga kulabos kibulon sang panit   Luyag ko nga tamdan ang nagapangyang-ob nga guya, Pamatian ang dinag-on nga pangtinguha sang katibawasan   Apang ayaw ako pag-ipahilayo Sa ining kalibutan. Luyag ko magpasakop, Masaksihan, Ang iyang pag-uyog, pagbutyog Nga duna sa iyang taguangkan.