|
Jaime Kasanag Agosto 1982
Report Sang Operasyon
Report Sang Operasyon -
Dugang nga batalyon.
Maga-atake ang kaaway
Kontra-insureksyon!
Naispatan!
Isa ka platun, PA
sa suba naga-abanse,
Anum ka siks bay, PC
Gaterin-terin sa haywey.
Report sang Operasyon-
Ipasa ang balita
Dalagan, patunda
Kapatagan, kabukiran
Kaaway! Kaaway!
Maghanda! Maghanda!
Pagtibyog, paghugpong!
Ila likupan, tapnaon!
Report sang Operasyon -
Aligmat! Aligmat! Magbantay!
Magkasumpong
magatambipalad
sa pagpakig-away
anuman nga oras.
Indi magpatiplang
Indi magkalingkang.
Batalyon mga dugang
Kag anum ka siks bay
Panggwa lang.
Aton ang pagsulong
Ila ang kahuyang.
Dugangan man,
Umalagi lang.
Sang krisis sila ginabunalan,
May ginakabalak-an pa'ng kahublagan.
Report sang Operasyon
May katahap bala sa dughan?
Tion na agud isikway.
Dapat mangibabaw sa kaaway.
Dalasaon ang kamatuoran-
Sa taksanay lang kita mahilway.
PA man ukon PC,
Regular man ukon para-militar
Indi makasagang.
Sa natalana nga panahon,
Sila naman ang aton bunalon.
Lughuton ang katalunan sang kabudlayan.
Sa masiot nga kalatian ang maayo nga dalan.
|
|