Pinakamatayog ka sa lahat ng aming naakyat balabal ang ulap sa iyong itaas mga liku-likong landas na aming tinahak mula Isabela tungong Cagayan, sa iyo maglatagos sa iyong tugatog, Pitso Manok   Dito, tanaw ang kapatagan ang Kordilyera, iba pang larangan dito, bagong pag-asa ang iyong dulot ibayong lakas, lakas ng isip ang handog sa pagkakulong at pagkahulagpos sa pangungubkob   Pagaspas ng hangin, pumupuno sa dibdib abot-tanaw ang paglawak ng bagong daigdig abot-kamay ang pagdurog sa panggagahis at sa pagbaba sa tugatog mong matarik mataas na antas ng pakikibaka ang makamit   Pitso Manok, ang yakap mo'y aming iniwan tungo sa masang kaytagal nang naghintay bagong sona ang aming nabuksan upang ikawing sa iisang hanay yakap nila, tulad mo, ang aming ipinaglalaban