Pagtratar sg POW kag Rebolusyonaryong Hustisya

Ka Quintero Magtanggol
Spokesperson
Bonifacio Pasakan Command
New People's Army
Larangang Gerilya2
Negros Island
Pebrero 26, 2004

Kabaliskaran sa ginhimo nga pagkastigo sg mga militar sa idalum sg 303rd Brigade kag ispesyal CAFGU sini nga RPA-ABB sa mga ginasuspetsahan lamang nga katapu sg NPA, ang POW nga si CAA Eduardo Raya nagabaton sg maayo nga pagtratar sa idalum sg NPA. Kabaliskaran sa pagtortyur kag pagkidnap asta nga mapatay sa imol nga mangunguma nga si Morito Arcadenia nga kahimuan sg militar, ang CAFGU nga POW ara sa maayo nga kahimtangan sa paghingakup sg NPA.

Si CAA Eduardo Raya wala ginasakit o ginpaidalum sa psychological tortyur nga tatak sg pasistang AFP. Makapaligo siya sa oras nga gusto niya. Ginakaon niya kon ano man ang ginakaon sg mga NPA costudial forces. Ang iya ikaayong-lawas ginatatap sg NPA medical officer.

Lubos nga ginapatuman sg NPA, bilang matuod nga rebolusyonaryong hukbo ang Comprehensive Agreement on the Respect of Human Rights and International Humanitarian Law (CARHRIHL) nga ginpirmahan sg Government of the Republic of the Philippines (GRP) kag National Democratic Front of the Philippines (NDFP) kag ini gina-aplikar sa kaso sg nasambit nga POW.

Wala sg kabalak-an si Gob. Mara�on kag ang butigon nga Brig. Gen. Jeffrey Sodusta sa kahimtangan ni Eduardo Raya pati na sa halambalanon sa pagpatuman sg rebolusyonaryo nga hustisya. Sa pagbista sg iya nga kaso sa pagpareyd sa mga katapu sg NPA sadtong Nob.15, 2002 sa may Sitio Kulihaw, Brgy. Buenavista, Himamaylan City sa atubang sg korte sg pumuluyo ginaagum niya ang tanan nga kinamatarung para depensahan ang kaugalingon bilang akusado. Isa na diri ang pagpili sg iya manugdampig. Ang rebolusyonaryo nga gobyerno sa idalum sg pagpamuno sg Partido Komunista sg Pilipinas may kaugalingon nga layi nga nakasaad sa "Guide for Establishing the People's Democratic Government." Ini ang nagaserbe nga konstitusyon sa mga nagaluntad nga mga organo sg rebolusyonaryong gahum pampulitika sa kaumahan. Ang rebolusyonaryong layi kag hustisya tuman ka superyor kon ikumparar sa bangkarote kag kontra-pumuluyo nga judicial system sg reaksyonaryong gobyerno.

Wala man sg problema kon magpresentar sg reklamo o protesta si Gob. Mara�on angot sa pagbista sa korte sg pumuluyo sa kaso ni CAFGU Eduardo Raya. Apang proper nga I-channel niya ini sa upisina ni kaupod Luis Jalandoni, ang tsirman sg NDFP Negotiating Panel sa ginatigayon sa karon nga hambalanay para sa kalinong sa tunga sg GRP kag NDFP. Ang NDFP ang nagarepresentar sa mga rebolusyonaryong organo sa gahum pampulitika sa kaumahan sa ginatigayon nga negosasyon para sa kalinong.

Back to top