ANTI-Terorism Bill ug National ID System dili makasumpo sa nagakakusog nga pakigbisog sa katawhan
Maria Malaya
Tigpamaba
NDF-Amihanan Sidlakang Mindanao
(Northeastern Mindanao)
Pebrero 21, 2005
Gibuhi na usab sa gobyernong US-GMA ang Anti-Terrorism Bill ug National ID System aron mahimong legal ang grabeng pagpamig-ot ug pagpanumpo sa pakigbisog sa lapad nga masang katawhan. Labaw sa tanan tin-aw nga gamiton lamang kining instrumento aron pagsumpo sa nagakakusog nga rebolusyong Pilipino.
Nakalimot tingali ang rehimeng US-Arroyo nga walay bisan unsa mang balaodnon sa reaksyunaryong gobyerno nga makasumpo sa bul-og sa rebolusyon. Ang katawhang gidaugdaug kung mapukaw alang sa rebolusyonaryong kausaban dili kapugngan. Nasinati na kini sama sa pagdaug sa sosyalistang rebolusyon sa Rusya ug sa mga demokratikong mga rebolusyon sa Tsina, Vietnam, North Korea, Cuba ug daghan pang uban. Sa pagkatinuod, ang kadaugan sa mga rebolusyon ang gikalisangan sa mga imperyalista ug mga nagharing hut-ong.
Ang Anti-Terrorism Bill matud ni Mrs. Arroyo, pagsumpo sa terorismo ug pagpamomba sa Pilipinas. Apan unsaon man niya pagsumpo sa terorismo nga gipasiugdahan man kini sa Central Intelligence Agency (CIA) sa imperyalistang US ug pipila ka elemento sa AFP-GRP. CIA usab ang nag-training sa grupo ni Janjalani nga Abu Sayyaf. Si Michael Mering nga usa ka US Marine nasakpan nga naunay sa iyang bomba sa usa ka hotel sa Davao. Aron dili kini mabulgar gikuha si Mering sa Federal Bureau of Investigation (Fbi) gikan sa hospital sa Davao ug gidala didto sa US. Hangtud karon si Mering wala gipaatubang sa kaso niini sa Pilipinas.
Sa laing bahin, si Osama Bin Laden membro sa CIA ug mao usab ang gipasanginlan nga utok sa nabantog nga pagpamomba sa US niadtong Septembre 11, 2003. Niining bag-o, nakit-an si Bin Laden nga nagpatambal sa usa ka hospital sa US nga gipadagan sa CIA. Niini usab nga panahon nakit-an si US Presidente Bush sa maong syudad nga nahimutangan niini nga hospital. Nagkatukma lang ba ang presensya sa duha sa samang syudad? Nganong wala gidakop si Bin Laden ?
Kining maong pagmugna sa mga teroristang kagubot karaan ug naandan na nga taktika sa imperyalistang US kaunsabo ang militar ug ang iyang mga sinaligang itoy nga gobyerno sama sa rehimeng Arroyo. Gihimo nila kini aron mahatagan og rason ang ilang pagpanginlabot.
Nangita lang og tukmang panahon ang CIA aron dunay mapasanginlan sa ilang linuog nga pagpamomba. Giatol nila ang pagpamomba niadtong Pebrero 14 sa dihang miulbo ang �redo� sa Sulu batok sa pwersa sa AFP. Sa usa ka pamahayag sa grupong Muslim gihimo nila ang pagpanulong tungod sa pagmasaker sa AFP sa usa ka pamilyang kaliwat nila. Kadto giila nila nga �redo� isip tugbang sa pagpamatay sa ilang kaliwatan. Sa tradisyong Muslim, human makab-ot ang tugbang sa sala, mosunod ang panaghusay. Angay kini respetuhan. Gumikan kay gipakamenos sila sa rehimeng Arroyo, sayon na dayon silang nganlan nga mga terorista, renegado ug pasanginlan pa sa mga pagpangbomba.
Sa pikas bahin, giangkon na sa Abu Sayyaf ang naasoy�ng pagpangbomba. Nganong walay nadakop nga Abu Sayyaf? Sayon ra unta nila kini subayon pinaagi sa cellphone nga gigamit sa nag-angkon.
Busa, unsa pa man ang laing tumong sa Anti-Terrorism Bill ug National ID System? Walay lain, kundili ang pagsumpo sa padayong pagkusog sa rebolusyong Pilipino. Ang maong mga balaod kung matuman, palas-onon lamang sa katawhang Pilipino nga dugay ng nag-ilaid sa kalisod.
Ihunong ang linuog nga pagpamomba!
Ipagawas ug silutan ang tinuod nga mga kriminal.
Babagan ang Anti-Terrorism Bill ug National ID System!
I-asdang ang gubat sa katawhan!
Ka Maria Malaya
NDF-North Eastern Mindanao Region
Pebrero 21, 2005
Back to top
| 