CEASEFIRE MONITORING REPORT

Jorge "Ka Oris" Madlos
Spokesperson
NDF-Mindanao
Enero 02, 2005

Malipayon namong ibalita sa katawhan sa Mindanao ug sa tibuok nasud nga sa kinatibuk-an, hugot nga gituman sa mga yunit sa NPA sa Mindanao ang pulo ka adlaw nga unilateral ceasefire nga gideklara sa pamunuan sa Communist Party of the Philippines nga nagsugod niadtong Disyembre 23, 2004 hangtud Enero 2, 2005.

Sa pikas bahin, ang 22 ka adlaw nga unilateral ceasefire nga gideklara sa reaksyunaryong rehimeng US-Arroyo nga nagsugod niadtong Disyembre 16 hangtud Enero 5, namantsahan sa pipila ka paglapas mismo sa mga armadong pwersa niini.

Niadtong Disyembre 16, 2004 usa ka yunit sa 5th Scout Ranger ang nag-operasyon sulod sa erya sa NPA didto sa Sityo Palompon, Brgy. San Isidro, Marihatag, Surigao Sur. Bandang alas 4 y medya sa hapon sa maong adlawa, napugos ang mga NPA snipers pagbanat sa maong tropa sa Scout Rangers isip pagpanalipod. Namatay ang duha ka membro sa Scout Rangers samtang walay casualty sa NPA.

Gikan niadtong Disyembre 16 hangtud Disyembre 18, 2004, naghimo�g war games ang mga tropa sa 30th IB, 58th IB ug 23rd IB sa Simbalan, Buenavista, Agusan del Norte. Human niini, naghimo kini�g mga pulong-pulong.

Sa Balit, San Luis, Agusan del Sur hangtud karon padayong namugos ang mga tropa ubos ni Col. Macanas pag-okupar sa baryo bisan pa kung nagprotesta na ang katawhan nga papahawaon na sila tungod sa ilang abuso.

Niadtong Disyembre 25, usa ka ginganlang Teofilo Laguada ang gipusil sa gituhuang usa ka asset sa militar nga si Leviboy Edul didto sa Kalabat, Josefina, Zamboanga del Sur. Sukad pa kaniadto nahimo nang kinaiya nga dili hingpit matuman sa mga pwersa AFP-PNP-CAFGU ang ilang deklarasyon sa ceasefire.

Back to top