Sampung palaka sa loob ng kani-kanyang balon ay pawang nakatingala sa kapirasong kalangitang nakikita sa bunganga.   Sampung palaka, bawat isa'y nag-akala na kalangita'y sinliit nga ng sa bunganga'y nakatingala.   Sampung palaka, mali ang akala! At kapag kanilang naalpasan ang hiwa-hiwalay, kani-kanyang balong kinakukulungan, sama-sama nilang matutunghayan: Iisa lamang at malaki ang makulimlim na kalangitan!