Nagatalabiris nga luha, Nagapalangharok nga mata.   Mapait nga inagihan. Naga-utol-utol nga tingog Sa nagahimugong nga hibubon-ot sang pagbakho sang masingkal nga kaakig sang dughan-   Sa napagkit nga mga laragway: Sang nagahamyangon nga bangkay sang madinumdumon nga amay kag bana...   Sang wala'y budhi nga pasista nga nagapaarak sang armalayt...   Sang nagatalangison sa gutom nga mga anak.   Akig gid siya sa kaaway. Katupong sa pinakamataas nga bukid sang kalibutan. Handa mamukan, Manadlong! Lamang mahim-ong.