ang mga hangaway nag-atake sang dayon kadungan sa ambahanon sang pagpakigsumpong.   mentras ang madyaas padayon sa iya'ng pagtay-og banat! kag sa hagubhob sang mga awtomatik nagkalapukan ang mga hakaban. mentras nagapanaghoy ang mga martir sa ila'ng pagbakho. abanse! kag sa tagring sang mga bala madasig nga nagmaniobra ang mga hangaway sa paghilubos sang nagkalapukang traidor.   mentras ginatampalas ang mga inanak sang balbas kadalag-an! ang naglanog nga ambahan sang mga isgana'ng makahas sa atubang sang nalutos nga pangontra.   kag ang hangaway umatras sang dayon sa lanton sang ambahanon sang pagpakigsumpong.   mentras may pagpakigsumpong magapadayon ang pag-amba sang mga kilat nga salakay sa mahamuok nga katulugon sang malimbungo'ng pasista pirme magaduaw, kag sa ila'ng pagpanakayon kibot nga manamyaw.