Agsub ka ba magruhaduha maghialang
Naulnok natago han bag-o nga butang
Nangangabag nalulumos hin kataragman
Naukoy na diri han pag-aram.
Kulawi iton iroy nga banog
Nagsagdon han misa nga magpakaisog
Baman kun hi misa deri tumuod
Ha salag an iya kamatay an iya kadunot.
Pamati-e iton iya sagdon
"Anak an kinabuhi puno hin urusahon
Kun mahadlok mamamatay manla gihapon
An pagdarag-an aada ha kamainadmanon
"Makusog man nga lilinte ug babagyo
Kun maadman mo an iya tunog ngan huni
Maaram ka san-o susungsong san-o pepermi
Kun bato an kaaway ikaw magpakaputhaw
Kun marampag man hiya nga kahoy magpaka-anay
Kun makusog man hiya nga baha ikaw magpakatabaw
"An pag-aram diri naukoy diri napahuway."
|