Kadagiti parentes ken dadduma pay a kapamilya, kabagian ken kailian ni Magno �Ka Ili/Ka Braga� Ayabo
Simeon "Ka Filiw" Naogsan Spokesperson Cordillera Peoples' Democratic Front
Hunyo 28, 2005
Ipadpadanon ti Cordillera Peoples� Democratic Front (CPDF) ti maysa a naimpusoan a pannakipagladingit iti ipupusay ni Magno �Ka Ili/Ka Braga.� Ayabo.
Namartir ni Ka Braga (popular nga alyas na) iti maysa a labanan idiay Mt. Layaban, masarakan iti tri-boundary ti Abra, Mountain Province, ken Ilocos Sur idi Hunyo 13, 2005. Nakapauneg ni Ka Braga iti maysa a yunit ti New People�s Army a nakiranget iti umat-atake a sangkagabsuon a tropa ti kabusor iti nasao nga erya nga inmatonan ti 5th Infantry Division ti AFP. Naibulos ti nagtipon a pwersa ti 503rd ken 502nd Infantry Brigades a kairamanan ti 50th, 54th, 41st, 77th Infantry Batallions, 53rd ken 52nd Recon Coys. Nanayonan pay ti bronco bomber ken MG520 heligunships a nagbomba iti erya.
Agtawen iti 18 ni Ka Braga idi simrek kas Nalabbaga a mannakigubat ti New People�s Army idi tawen 2002. Nasurok tallo a tawen nan a kameng ti New People�s Army idi namartir. Numan pay nagan�s ti edad ni Ka Braga idi namartir, napnuan adal ken pagwadan � banag a ni kaano man ket saan a malipatan ti rebolusyonaryo a tignayan ken ti umili. Ti pannangipaay na ti kangatuan a sakripisyo � ti panangidaton na iti ultimo a biag iti panagserbi ti umili ket mainayon a mangsibog iti bumarbara a rikna ti umili kasta met a pagwadan ken inspirasyon iti rebolusyonaryo a kinatured tapno itultuloy ti laban kontra kadagiti agar-ari a dasig, rippuogen ti turay da inggana a maitakder ti maysa a nawaya, demokratiko, ken addaan hustisya a kagimongan.
Agyaman unay ti Partido Komunista ti Pilipinas, New People�s Army ken ti kabuklan a rebolusyonaryo tignayan ti umili kadagiti nagannak kenni Ka Braga a saan a nangipaidam iti nataer nga anak da tapno agserbi iti interes ti kaaduan ken maragpat ti tarigagay dagiti marigrigat nga umili.
Ni Ka Braga kas iti kaaduan ket nagtaud iti dasig a mannalon. Kas sibilyan, nasapa a namulat iti kasasaad ti nakaro a kinarigat dagiti mannalon a magunggundawayan ti agdama a bulok a sistema ti kagimongan. Nasagrap na met ti nakaro a panagabuso ti reaksyunaryo nga estado. Napadas na met ti naakusaran nga awan basaran ken naibalod nga awan pammaneknek. Dagitoy a kongkreto a kapadasan na ti nanglukat iti kapanunotan na iti realidad nga awan sabali a makabaliw ti bulok a kagimongan no di tumipon iti rebolusyonaryo nga armado a dangadang.
Kadagiti nabayag a kayunit ni Ka Braga, imbati na dagiti nabiag a pakalaglagipan � nakasagana nga umawat kadagiti atas; trabaho ken anya man a disposisyon; naregta a mangipatungpal kadagiti trabaho; nasinged a makilangen pada iti masa ken kakadua; pursigido ken napasnek nga agadal kadagiti teoritikal ken praktikal nga innadal.
Itultuloy tayo a mangreppet ti kalawaan nga urnos ken lumaban inggana marippuog daytoy naulpit a turay dagiti agarari a dasig ken ti amo da nga imperyalista! Kalpasan dagiti ladingit, punasen dagiti lullua, bumangon ken umaddang nga umabante a mangipukkaw ti armado a dangadang!
Mas mapadayawan ti pannakamartir ni Ka Braga ken dagiti dadduma pay a bannuar ti rebolusyon no ikari tayo, nu isapata tayo nga ituloy inggana maragpat ti panangipagballigi ti nailian demokratiko a rebolusyon ken ti maisaruno a sosyalista a rebolusyon a mangpugsat ken mangwayawaya iti kawar ti panaggundaway ken panangidadanes!
Back to top
|