NDFP nagpadangat og pinakataas nga pasidungog ngadto kanila Tanya Domingo, Ian Dorado, Kimberly Jul Luna ug Ian Maderazo

Gitugyan sa National Democratic Front of the Philippines (NDPP) ang pinakataas nga pasidungog sa atong mga batan-ong martir ug bayani sa katawhan: Tanya Domingo, Ian Dorado, Kimberly Jul Luna ug Ian Maderazo. Gipadangat sa NDPP ang pinakalalom nga pagduyog sa kasub-anan sa ilang mga pamilya, sa ilang organisasyon, mga higala ug ka-iskwela.

Sila Tanya Domingo ug Ian Dorado mga istudyante sa Fine Arts ug mga pangkultura nga aktibista nga nagtungha sa Unibersidad sa Pilipinas nga gipatay sa mga sundalo sa pasistang rehimeng Arroyo niadtong Enero 14, 2010 sa Bulacan, Central Luzon. Gipatay si Ian Maderazo nga nagtungha usab sa Unibersity of the Philippines-Los Ba�os, usa ka iskolar ug lider-istudyante, niadtong Enero 9, 2010 sa Macalelon, Quezon sa Southern Tagalog. Gipatay usab sa mga sundalo si Kimberly "Kimay" Jul Luna, lider-istudyante sa Mindanao State University-Iligan Institute of Technology niadtong Disembre 15, 2009 sa Valencia City, Bukidnon, Mindanao.

Lalom sila nga nakigsandurot sa mga nilupigan ug nakigbisog nga masa, mi-anib sa rebolusyonaryong kalihukang masa nga bug-os ug walay pupanagana nga gipakigbisogan ang pakigbisog sa masa, gigamit ang kaalam ug kusog nila aron alagaran ang masa sa katawhan ug mihukom nga mahimong manggugubat sa armadong rebolusyon sa masa sa katawhan.

Sa layog nga rebolusyonaryong tradisyon sa kabatan-onan, sukad pa niadtong panahon ni Emilio Jacinto sa Katipunan taman sa kabatan-onan sa Un�s sa Unang Kwarter, gipadilaab sa atong mga mahal nga batan-ong martir ang dalan alang sa pakigbisog sa masa sa katawhan sa mga Pilipino alang sa nasudnon ug katilingbanon nga kalingkawasan nga naghatag-inspirasyon sa kabatan-onan ug entero masa sa katawhan aron dugang pang itaas ang ang-ang sa rebolusyonaryong pakigbisog.

Saludaran ug pasidunggan ang atong mga batan-ong martir. Tugyanan nato ug pinakataas nga pasidungog sila Tanya Domingo, Ian Dorado, Kimberly "Kimay" Jul Luna ug Ian Maderazo! Pasagdi nga mahimong dan-ag nga iwag, nga gam-ong inspirasyon ang ilang hingpit nga kaakohan ug pag-alagad sa masa sa katawhan ngadto sa kabatan-onan sa Pilipinas ug sa tanang dapit sa kalibutan.

Back to top