Limmatak manen itay nabiit ti usapin kanaig iti diborsyo idi inaprobaran iti nababbaba a kapulungan iti Kongreso ti gakat a pagbalinen daytoy a linteg iti Pilipinas. Maiduma iti annulment (panangpukaw ti bileg ti kasar) ken ligal a panagsina, ti ligal a pagpilian iti diborsyo ket panangwaswas iti kasar, panangisubli iti saad a “single” ti agassawa […]

Nalpas ti El Niño ken simreken iti nepnep, ngem agtultuloy latta a bakbaklayen ti masa nga anakling-et, nangruna dagiti mannalon ken mangngalap, ti kalbaryo iti panangdadael ti tikag iti pagbiagan da, a pinakaro pay ti panagbalbaliw ti klima. Kurang la unay ken pasig a pammarang laeng ti nagbalin a sungbat ti rehimen Marcos iti agarup […]

Ipilpilit nga iparupa ni Ferdinand Marcos Jr nga agnumnumar dagiti mannalon iti ubbaw a Comprehensive Agrarian Reform Program (CARP) iti uneg ti rehimen na. Iti naglabas a bulan, agsusumbangir ti panagrikus na iti pagilian para iti pabuya na a seremonya iti panangiwaras kadagiti Certificate of Land Ownership Awards (CLOA). Kinapudno na, ubbaw dagitoy a programa […]

Idi Hunyo 10, nagpiket-protesta iti sango ti DAR idiay Quezon City dagiti progresibo nga organisasyon dagiti mannalon, mangngalap ken mangitantandudo iti karbengan iti daga iti panangiyuna ti Kilusang Magbubukid ng Pilipinas kagiddan ti maika-36 tawen ti CARP. Kinundenar da ti kinabulok ti kabayagan, kagastaran, ken karanggasan a “reporma iti daga.” Limmaok iti protesta dagiti mannalon […]