Nagpultaym na kadre at organisador si Ka Concha, 74, noong 1972. Tinalikdan niya ang lahat ng kaginhawahan at pribilehiyo ng uring panginoong maylupa, at sumama sa inaaping masa ng magsasaka at mga Tumandok sa kanilang pakikibaka para sa lupa at hustisya.

Si Ka Concha ang ikalawang pangalawang kalihim ng Panrehiyong Komite at isa sa mga nanguna sa pagtatag ng rebolusyonaryong kilusan sa isla ng Panay mula 1972. Pinangunahan niya ang IDKP laluna na ang pagsusulat ng burador ng 13-taong paglalagom ng rebolusyonaryong praktika ng Panay at ang pakikipaglaban sa paksyunalismo ng pangkat Tabara-Dumalaog. Itinalaga rin siyang konsultant ng National Democratic Front of the Philippines (NDFP) sa negosasyong pangkapayapaan.

Si Ka Concha, kasama ang tatlo pa, ay namartir sa kamay ng 3rd ID at 301st IBde mapos ang sunud-sunod na engkwentro noong Agosto 7,8 at 15 sa Barangay Cabatangan, Lambunao, Iloilo. Pinaniniwalaang dinakip muna siya, pinahirapan bago pinaslang.