Tubong Brgy. Purnaga, Magsaysay, Occidental Mindoro si Ka Igo, 52 taong gulang. Isa siyang Mangyan Hanunuo na produkto ng mga panimulang pagsisikap ng rebolusyonaryong kilusan sa isla. Namulat at naorganisa siya sa kasagsagan ng mga aksyong okupasyon ng mga setler at katutubong magsasaka sa mga pastuhang kinakamkam ng mga panginoong maylupa

Sa loob ng mahigit 30 taon, ipinamalas niya ang walang-maliw at marubdob na pagmamahal sa Partido at sa bayan. Larawan siya ng di-pagkamakasarili at katatagan sa gitna ng mga unos at buhay-at-kamatayang karanasan. Huwaran siya sa simpleng pamumuhay at puspusang pakikibaka. Palagi siyang nakahandang magbigay ng anumang kanyang gamit basta’t ito ay kailangan ng kasama, kahit minsan ay siya ang mawawalan.

Namartir si Ka Igo sa isang labanan sa Brgy. Monteclaro, San Jose, Occidental Mindoro noong Nobyembre 23, 2024.