Unang pumasok sa isang larangan sa South Quezon noong September 2020 si Ka Isko. Kahit napakabago sa pakikidigmang gerilya, magiting niyang inalpasan ang tinaguriang “limang unos ng Nobyembre” — ito ang limang labanan na naganap sa loob ng 18-araw ng Nobyembre, 2020. Noong Disyembre 2022, nagpasya siyang magpultaym sa hukbo. Hindi naging madali sa kanya ang buhay gerilya pero mataas ang determinasyon niyang ginampanan ang tungkulin bilang upisyal pampulitika ng kanyang yunit.

Mahaba ang kalsadang pinagmartsahan ng kadreng lungsod bago siya nakarating sa mga larangan ng Quezon at Bicol. Siya muna si Kasamang Tere sa mga kabataan at manggagawang bukid sa tubuhan ng rehiyong Central Luzon. Siya si Ka Pau sa maralitang komunidad ng Camanava area. Siya si Ka Drew sa mga manggagawa ng Quezon City. Kagawad siya ng Komiteng Probinsya ng Partido nang siya ay mamartir.

Namatay siya, kasama si Ka Zoe (Divine Zureta), sa isang labanan noong Marso 28, 2024 sa bayan ng Guinayangan, Quezon.