Tubong Lopez, Quezon si Ka Japet. Bunso siya sa tatlong magkakapatid at galing sa uring magsasaka. Ang kanilang baryo ay bahagi ng lugar kung saan nagsasagawa ng gawaing masa ang isang yunit ng BHB-Quezon. Sumunod siya sa yapat ng ang kanyang kuya na si Ricky “Ka Ronel” Delos Santos unang sumapi sa BHB. Namartir si Ka Ronel sa isang depensibang labanan sa Sityo Mawan, Panaytayan, Mansalay, Oriental Mindoro noong Hunyo 13, 2019.

Sa loob ng Hukbo, lalong nalinang ang likas na kapasidad niya sa gawaing militar. Mahigpit na siyang nakakatuwang ng mga kasama sa pagtuklas ng mga ruta at daan, pagkabisa sa kalupaan, at pagtaya ng galaw at kilos ng kaaway. Sa ilalim ng nom de plume na Leo Amarillo, inilathala ang ilan niyang mga tula sa mga rebolusyunaryong publikasyon na Lagablab ng Batangan, Kalatas at Dagitab.

Namartir siya sa isang engkwentro noong Disyembre 4, 2024 sa Barangay Balibago, Lobo, Batangas.