Isinilang si Ka Jovanie, 51 anyo sa isang pamilyang panggitnang magsasaka. Isa siya sa mga nakatuntong sa kolehiyo sa kanyang pamilya.

Naging organisador siya ng magsasaka noong 2022 sa norteng bahagi ng isla ng Negros. Naging bahagi siya sa mga pakikibaka para sa pagbubungkal ng lupa, gayundin sa mga pakikibaka para sa pagpapataas ng sahod ng mga manggagawang bukid, kanilang mga benepisyo, lupa para may mabungkal at marami pang iba sa iba’t ibang mga asyenda.

Noong 2009, nagpasya siyang magpultaym sa hukbong bayan. Nagsilbi siyang kagawad ng kalihiman ng komite sa larangan ng Southeast Negros at vice platoon leader ng tropa. Malaki ang kanyang naging kontribusyon dahil sa mahaba niyang karanasan sa pakikibaka para sa lupa.

Namartir siya noong Nobyembre 21, 2024, kasama ng anim pang mandirigma, sa Sityo Suso, Barangay Gatuslao, Candoni, Negros Occidental, sa gitna ng labanan sa pagitan ng kanyang yunit at ng mga sundalo mula sa 47th IB at 15th IB. Kinilala sila bilang mga martir ng Candoni.