Tubong Cavite at bunso sa pamilya si Ka Reb. Habang nasa senior highschool, nagpasya siyang magpultaym bilang organisador. Iniwan nya ang maalwang buhay para makipamuhay sa mga maralitang lungsod at mga magsasakang pinagkakaitan ng lupa, kabuhayan at panirikan.

Kalauna’y nagpasya si Ka Reb na makipamuhay na rin sa masang magsasaka at umanib sa BHB. Sa loob ng Hukbo, naging tanyag siya sa pagiging makata at mang-aawit. Kinagiliwan sya ng mga masa at kasama. Nagsikap sya at mapangahas na nagpakahusay sa gawaing militar at pagkakabisa sa tereyn ng kanayunan kahit na salat sa karanasan.

Namartir siya, kasama sina Ka Yuhan at Ka Alex, sa isang sagupaan laban sa tropa ng 59th IB noong umaga ng Hunyo 23, 2024 sa Brgy. Bolbok, Tuy, Batangas.