Ipinanganak si Ka Seed noong 1996 sa isang pamilyang petiburges. Lumaki siya sa maalwan at maginhawang buhay. Nakapagtapos siya sa kursong BA Theater Arts sa Polytechnic University of the Philippines (PUP)-Sta. Mesa. Matapos gumradweyt, agad na siyang kumilos nang buong-panahon at nakipamuhay sa mga magsasaka at mangingisda ng Cavite. Noong Marso 2020, mapagpasya siyang tumungo sa Cagayan Valley para sumapi sa BHB.

Habang nasa hukbo, nagsilbi siyang upisyal medikal sa yunit ng BHB at masigasig na nagtatayo ng mga barrio medical group (BMG) sa napupuntahang mga komunidad. Tumayo rin siyang upisyal sa organisasyon sa yunit ng Partido na kanyang kinabibilangan.

Sadyang pinatay si Ka Seed, kasama sina Ka Jorly at Ka Karl, habang nagsasagawa ng konsultasyon a masang magsasaka sa Sityo Pallay, Barangay Baliuag, Pe��abalanca, Cagayan noong Setyembre 11, 2024.