Iginuhit ni Ka Zoe ang isa sa mga natatanging kuwento ng buhay ng mga katutubo. Nakatuntong siya ng kolehiyo sa Camarines Norte State College at kumuha ng kursong History. Sa kabila ng mga oportunidad na bumukas sa kanya kagaya ng pagiging lider at opisyal ng mga samahang Manide, makapagtrabaho sa mga institusyong kagaya National Commission for Indigenous People at maging guro sa mga paaralan, noong 2016 natagpuan ni Ka Zoe ang tunay na kahulugan ng paglilingkod sa kapwa niya katutubo at buong sambayanan.

Naging pultaym na mandirigma ng BHB si Ka Zoe at lumahok sa pagpapasigla ng mga kampanyang masa para sa pagpapataas ng presyo ng kopra at buong niyog. Naging malaking karangalan ng tribung Manide si Ka Zoe. Ipinagmamalaki nila ang kanilang kapwa katutubo na kanila ring mahal na titser sa pag-aaral magsulat, magbasa at magbilang.

Namartir siya, kasama si Ka Isko (Paolo Cruz), sa isang labanan noong Marso 28, 2024 sa bayan ng Guinayangan, Quezon.