Usa nga dako nga buwa ngan waray ha mga progresibo nga indibidwal an pagbansag han “Anti-Terrorism Council” (ATC) kan Fr. Walter Alipio de Asis Cerbito ngan ha lima pa nga indibidwal komo mga “terorista.”

Pinaagi han usa nga resolusyon nga ginpirmahan hini hadton Mayo 25 kundi gin-gawas ha publiko hadton Hunyo 15, malisyoso nga ginre-red tag han pasista nga konseho hira Fr. Cerbito. Kalakip liwat ha listahan hi Ka Louie Jalandoni, kilalado nga negosyador han NDFP ha erestorya pankamurayawan.

Usa hi Fr. Cerbito ha natikadamo nga progresibo nga personahe ha Eastern Visayas nga gin-gipit gamit han Anti-Terror Law. Arbitraryo hira nga ginbabansagan nga “terorista” han ATC ngan gintatahapan nga nadadabi nga “terorista mga aktibidad.”

Diri terorista hi Fr. Cerbito. Komo hadto nagin anay vicar general han diocese han Catarman ngan namuno ha Social Action Center hini, pira kadekada niya ginpapasulong an interes han masa nga parag-uma ngan anakbalhas ha Northern Samar, usa ha mga pinakakablas nga prubinsya nga diri naaabutan han mga serbisyo han gubyerno.

Subay han pagbansag han ATC kanda Fr. Cerbito, mafi-freeze o pupugngan hira nga panginanuon an ira kada tagsa nga pinansyal nga pananag-iya. Klaro nga an ATL gin-gagamit han pasista nga rehimen agud gipiton an mga progresibo nga indibidwal nga nagseserbe ha katawhan. (Larab)