Nasamsam ti New People’s Army (NPA)-Western Samar (Arnulfo Ortiz Command) ti maysa a riple nga R4 iti ambus na laban iti 3rd IB idiay Barangay Gayondato, San Jorge, Western Samar, alas-9 ti bigat idi Mayo 14. Natay iti opensiba ni Cpl. Reycon Remedio ken maysa pay a soldado ti nasugatan.

Naipadamag a rimmuar dagiti soldado ti 3rd IB iti kampo da idiay Barangay Gayondato tapno agdigos idi paputukan dagiti Nalabbaga a mannakigubat.

Sakbay pay ti ambus, insayangkat met ti NPA idi Mayo ti operasyon nga haras laban kadagiti kampo ti CAFGU sadiay Barangay Santo Niño, Motiong ken idiay Barangay San Fernando, Jiabong. Maysa a soldado ken maysa nga elemento ti CAFGU ti natay ditoy.

Idiay Oriental Mindoro, pinaputukan ti NPA-Mindoro (Lucio de Guzman Command) dagiti soldado ti 4th IB nga adda iti kampo militar na idiay Sityo Sigao, Barangay Lisap, Bongabong idi Mayo 20. Nagkampo dagiti soldado iti nasao a sityo ken inpakat da ti militar a turay manipod pay 2022.

Idiay Negros Oriental, nagirussuat ti NPA-Central Negros (Leonardo Panaligan Command) ti dua nga operasyon a haras laban iti 62nd IB. Rinaot da ti base ti 62nd IB idiay Barangay Malangsa, Vallehermoso idi Mayo 24 ken idiay Barangay Hinakpan, Guihulngan City idi Mayo 27.