Nakuha sang Bagong Hukbong Bayan (BHB)-Western Samar (Arnulfo Ortiz Command) ang isa ka riple nga R4 sa ambus sini batuk sa 3rd IB sa Barangay Gayondato, San Jorge, Western Samar, alas-9 sang aga sadtong Mayo 14. Napatay sa opensiba si Cpl. Reycon Remedio kag isa pa ka suldado ang napilasan.

Sandig sa report, naggwa sa kampo sini sa Barangay Gayondato ang mga suldado sang 3rd IB para maligo sang ginpalukpan sang mga Pulang hangaway.

Bag-o pa ang ambus, ginlunsar man sang BHB sadtong Mayo ang operasyon haras batuk sa mga kampo sang CAFGU. Ginharas sang hukbong bayan ang kampo sang CAFGU sa Barangay Santo Niño, Motiong kag sa Barangay San Fernando, Jiabong. Napatay man diri ang isa ka suldado kag isa ka elemento sang CAFGU.

Sa Oriental Mindoro, ginpalukpan sang BHB-Mindoro (Lucio de Guzman Command) ang mga suldado sang 4th IB nga yara sa kampo militar sini sa Sityo Sigao, Barangay Lisap, Bongabong sadtong Mayo 20. Nakakampo ang mga suldado sa nasambit nga sityo kag nagpapanaog sang paghari sang laye militar halin pa 2022.

sa Negros Oriental, naglunsar ang BHB-Central Negros (Leonardo Panaligan Command) sang duha ka operasyon haras batuk sa 62nd IB. Gin-atake nila ang base sang 62nd IB sa Barangay Malangsa, Vallehermoso sadtong Mayo 24 kag sa Barangay Hinakpan, Guihulngan City sadtong Mayo 27.