Uppat a mannalon ti pinapatay ti Armed Forces of the Philippines (AFP) idiay Masbate ken Negros Occidental idi Mayo. Agpapada da a pinaruar a kameng ti New People’s Army a natay iti “engkwentro.” Nairekord met iti napalabas a bulan ti pannaka-aresto iti tallo a sibilyan, karaman ti maysa a maladaga.

Panagpapatay. Idiay Masbate, pinatay ti 96th IB ti 31-anyos a mannalon a ni Erlindo Natural idi Mayo 7 idiay Barangay Holjogon, Mobo. Ni Natural ti maika-29 a biktima ti politikal a pammapatay idiay probinsya iti sidong ti turay ti rehimen a Marcos. Pagpatay.

Idiay Negros Occidental, rinaot ti di kumurang iti 24 a tropa ti 62nd IB ti balay ti pamilya dela Peña idiay Sityo Inangaw, Barangay Quintin Remo, Moises Padilla idi Mayo 21 ti bigat. Pinatuduan daytoy ti bala sakbay nga inaresto dagiti soldado ni Richard dela Peña, inyadayo iti balay na ken ingagara a pinatay da.

Idi Mayo 22, ingagara a pinapatay dagiti soldado ti 79th IB ti mannalon a ni Jeje Redobles idiay Sityo Manaysay, Barangay Camabayobo, Calatrava. Ni Redobles ket gagangay a mannalon ti kamote ken saba.

Idi met Mayo 30, uppat a bala ti nangpapatay iti mannalon a ni Jigger Barotolo idiay Sityo Sangay, Barangay Hilub-ang, Calatrava. Isuna ket inpaayab dagiti ahente ti 79th IB manipod iti panagpastor ti nuang na sada pinatay.

Pannaka-aresto. Idiay Masbate, inaresto dagiti pwersa ti estado ni Tinay Ontog idiay Barangay Maglambong, ili ti Monreal idi Mayo 18.

Iti saan a masinuo a petsa, inaresto dagiti pwersa ti estado ni Baby Arnejo ken ti maladaga na idiay Barangay Madao, Uson. Iti panangirupir dagiti kabaryo, naisubli ti maladaga ken naikabil iti nasayaat a kustodiya bayat a nakapupok pay ti inana.

Panagdukot. Nasurok dua a bulanen a mapukpukaw ti baro a ni Joy Delica, 32 tawen, manipod idi dukuten isuna ti saan a kumurang iti 30 soldado ti 4th ID idiay pagdagdagusan na idiay Barangay New Compostella, Damulog, Bukidnon idi Marso 18. Ginalutan dagiti ima ken saka ni Delica ken inlugan da iti lugan dagiti soldado.

Pinaritan dagiti soldado dagiti residente a nangirupir a mangkuyog kenni Delica tapno masigurado ti kinatalged na. Agingga iti agdama, saan pay a nasarakan ti ayan na.