![]( https://philippinerevolution.nu/wp-content/uploads/2021/02/20210207_HR_Farmer.png )
Agkabsat pinatay; tallo pay, kinemmeg ti militar ken pulis
Pinalto-paltogan agingga a mapatay dagiti durugista a soldado ti 2nd IB ti agkabsat a Ronel, 22, ken Robert Monsanto, 18, iti Sityo Laray, Barangay Aguho, Esperanza, Masbate idi Hulyo 8. Ti agkabsat ket agpaspastor ti taraken da a dingwen idi malabsan dagiti agop-operasyon a soldado ken awan sintagari a pinalto-paltogan da isuda.
Inpan dagiti soldado ti bangkay ti agkabsat iti Barangay San Roque ken idiay a pinaruar da a Nalabbaga a mannakigubat dagitoy a napatay iti engkwentro. Dagiti bangkay ket inbalandra ken kinabilan da ti armas ken ramit a panggubat.
f
Panagdukot. Dinukot dagiti pwersa ti estado ken saan da pay nga inparparang ti lider-mannalon a ni Melchor Luyao, kameng ti Katipunan ng Samahang Magbubukid (Kasama)-Rizal, idi rabii ti Hulyo 9 idiay Antipolo City. Madama birbiroken dagiti grupo iti karbengan-tao nu sadinno da nga inpan ni Luyao ken anya a yunit ti militar ken pulis ti nangdukot kenkuana.
Panagaresto. Dua a salaknib ti karbengan dagiti mannalon ti iligal nga inaresto ti 4th IB ken pulis iti maysa a barangay iti ili ti Bulalacao, Oriental Mindoro idi Hulyo 13. Naiparang da Joy Laguardia ken ti kadwa na dua nga aldaw kalpasan a naaresto isuda.
Ni Joy ket nabayagen a social worker ken tumultulong kadagiti mannalon. Iti laksid ti panangipagpaganetget dagiti kapamilya na ken dagiti salaknib ti karbengan-tao, dagiti naaresto ket saan pay laeng a naipakatungtong kadagiti pamilya ken pinili da nga abugado.
Panagikaso ti “terorismo.” Naidarum iti kaso a “terorismo” wenno panaglabsing iti Anti-Terrorism Act ti dua a lider-unyonista manipud iti National Capital Region a da Rodrigo Esparago ken Ed Cabuelo. Mairamraman isuda iti maysa nga engkwentro ti hukbo ti umili ken militar iti Barangay San Fernando Sur, Laur, Nueva Ecija idi Oktubre 8, 2023.