Mahimo mangin basehan sang impeachment complaint ukon reklamo para pahalinon sa pwesto bilang bise presidente si Sara Duterte ang mga anomaliya sa pag-gasto niya sa confidential and intelligence funds (CIF) sadtong 2022, suno kay Rep. France Castro. Ginbuyagyag ni Castro nga ginapabalik sang Commission on Audit ang ₱73 milyon sa ₱125 milyon nga CIF ni Duterte tungod sa “sayop nga paggamit” (misuse) sang upisina sini sa nasambit nga pondo. Padulong diri, ginpadal-an sang COA ang upisina ni Duterte sang pahibalo nga wala gintugutan ang iya gasto.