Mga artikulo sa Hiligaynon (Articles in Hiligaynon)

Sa pihak sang pagpostura nga mabaskog, ang tirano kag terorista nga si Duterte, sa pagkamatuod, isa ka daku nga makahaladlok nga hayop nga nakibon, nagasiyagit kag nagapangarus, wala-tuo nga nagaatake sa tanan nga daw mortal niya nga kaaway. Bangud diri, ginahimo niya nga mas bulnerable sa mga atake ang iya kaugalingon kag ginaimbitar kag ginaganyat ang mas madamo pa nga bunalan agud tapuson ang iya tiraniko nga rehimen. Amo ina nga wala-tuo siya nga ginabunalan subong samtang ginaatubang niya ang nagatipon nga krisis pangpulitika nga nagahana nga magwasaag sa palaabuton nga mga semana.

Ang mga bag-o nga rebolusyonaryong martir nga sila Ka Ella kag Ka Pabling nga napatay sa kamot sang 79th IB sadtong Agosto 20 gilayon nga gintawag sang militar nga “extortionist” kag “notoryus nga terorista.” Pabalikbalik ini nga itom nga propaganda sang militar agud musingan ang maayo nga imahin sang New People’s Army (NPA) kag rebolusyonaryo […]

Daba-daba | Rebolusyonaryong Pahayagang Pangmasa sa Panay

Mapula nga pagsaludo sa mga maisog nga baganihan Ka Ella kag ka Pabling sa wala pagpangduha-duha sa paghalad sang ila kabuli para sa pagpangapin sa interes sang pigos kag ginahimuslan. Ginbali-wala ang anuman nga kabuhi nga ginhalinan kag ikasarang nga magamit sa burges para sa pagpauswag sang kaugalingon nga kabuhi para sa malapad nga katawhan. […]

Nagapanawagan kami sa pumuluyong Pilipino kag sa tanan nga rebolusyonaryong pwersa nga ibayaw ang ila nga mga kuom nga kamot kag pasidunggan ang 19 nga martir sang Dolores, mga Pulang hangaway sang Bagong Hukbong Bayan (BHB) nga napatay sa pagpamomba halin sa kahanginan nga ginhimo sang suportado-sang-US nga pasistang Armed Forces of the Philippines (AFP) sang Agosto 16 sa Barangay Osmeña, banwa sang Dolores, Eastern Samar.