nay AFP intelligence officer nga si Larry De Gracia, madinalag-on nga ginsilotan kamatayon sang LPC-NPA sa mando sang Rebolusyonaryong Korte sang Pumuluyo. Ginhimo ang pagsilot sadtong Hulyo 24, 2018 alas 12: 50 sang udto sa Liko, Brgy. Bulado, Guihulngan City, Negros Oriental.

Si Larry De Gracia, palabas na lang nga wala na ini sa roster sang AFP, apang padayon kag masupog ini nga nagapaniktik sa hulag sang NPA. Si De Gracia isa sa mga gintanom sang AFP kag PNP-Guihulngan agud magsunod kag magpanilag sa hulag sang NPA kag legal nga mga kahublagan sang pumuluyo sa mga Barangay sang Calamba, Bulado kag Basak tanan sang Guihulngan.

Madata man ang reklamo sang gagmay nga mga mangingisda sa Brgy. Bulado kay Larry De Gracia bangud sa pagpugong sini sa pagpangisda malapit sa Bulado Port. GInapadakop kag ginapunggan man sini ang pagdungka sang gagmay nga mga panakayan ukon bangka de motor sa nasambit nga pier.

Napamatud-an sang NPA nga may kahilabtanan siya sa pagpatay kay Alberto “Liboy” Tecson sadtong Hulyo 24, 2017 paagi sa pagreport sa AFP kag PNP sa mga involvement ni Liboy sa PAMALAKAYA-KMP.

Napamatud-an man sang hublag nga si Larry De Gracia isa man sa mga protektor sa pagpasulod sang ilegal nga druga halin sa Cebu City agi sa Bulado Port nga amo ang ginasuplay sa Guihulngan kag bug-os nga Negros Oriental. Kakonsabo sini ang PNP-Guihulngan kag pila sa mga local executives kaangay ni City Councilor Pipo Pasigna.

Ang ilegal nga druga nga nagasulod sa Bulado Port kakumpetensiya sang shabu nga ginapalusot ni Mike “Dongkoy” Jakosalem nga naghalin sa Cebu City diin ginaprotektahan man sang iban pa nga sindikato nga katapo sang PNP-Guihulngan pareho nila PNP Melgin Bulandres kag PNP Fermin Jacobe.

Rason nga wala sang kasolbaran ang problema sang madata nga ilegal nga druga sa Guihulngan kag bug-os nga Negros Oriental. Madata man ang extra-judicial killings kag unsolve cases sa Guihulngan bangud sang banggi-anay kag kumpetensyahanay sa pagbaligya sang shabu sa Guihulngan kag bilog nga Negros Oriental.

Ginamanduan ang tanan nga yunit sang NPA idalum sa LPC nga silotan ang mga sindikato kag illegal drug protector nga mga kapulisan kag AFP sa Guihulngan kag Negros Oriental sandig sa proseso sang Rebolusyonaryong Korte sang Pumuluyo.