Duha ang pilason sa kubay sang 61stIB/AFP sa ginlunsar nga operasyong haras sang mga Pulang hangaway sa idalum sang Napoleon Tumagtang Command sang NPA Southern Front-Panay subong nga adlaw -Agosto 1.

Ginlunsar sang isa ka yunit sang mga Pulang hangaway ang nasambit nga aksyon batuk sa naga-operasyon nga suldado sang mga alas-9 sang aga sa Sityo Tigmagahan, Brgy. Alimodias, Miag-ao, Iloilo.

Ang mga suldado sang AFP ang malagas tani batuk sa mga pwersa sang Pulang hangaway nga nagharas sang makaduha ka beses sa detatsment sang 12thIB CAA sa Brgy. Pudpud, Miag-ao, Iloilo sadtong Hulyo 30 kag Hulyo 29 pasado alas-10 sang gab-i.

Samtang, sadtong Hulyo 29, kadungan sang pagharas sa detatsment sang CAFGU sa Miag-ao, ginharas naman sang isa pa gid ka yunit sang NPA-NTC ang detatsment sang 12thIB CAA sa Brgy. Maalan, Hamtic sa probinsya sang Antique.#