Terorista a tropa ni Duterte, balligi a nadusa

Balligi a naipatungpal ti panangbira ti maysa a yunitti ACC-NPA-Ilocos Sur iti
mismo a Battalion Headquarters (BNHQ) ti 81 st IBPA idiay Brgy. Bugbuga, Sta.
Cruz, Ilocos Sur idi rabiiti Aug 9, 2018. Nagresulta daytoy iti pannakatay ti
maysa nga opisyal ken ti pannakasugsugat ni Pfc. Alvezti 81 st IBPA a pareho a
nakalugan ti SUV Toyota Vios a service dagitoy nasao nga opisyales ti 81 st IBPA.

Naisayangkat daytoy a panagraut kas pannusa iti 81 st IBPA iti adu a reklamo ti umili
kontra kadakuada. Kangrunaan a reklamo ket ti panagranggas da kadagiti sibilyan a
masalaw da kadagiti aw-away kabayatan nga agisaysayangkat da ti combat
operations. Kasta met kadagiti barbaryo a pangisaysayangkatan da iti aw-awagan da a
“community support program” ket adu ti biktima da ti tuloy-tuloy a panangbutbuteng,
panagsisiim, ken panangipangta kadagiti sibilyan nga atapen da a sumupsuporta iti
NPA. Mainayon pay, reklamo ti umili iti mismo nga aglawlaw ti nasao a kampo ti
pannakaperdi dagiti pampamilya da gapuanan iti nakaro a panagbabbabae dagitoy a
pasista a tropa, iraman da pay dagiti babbae nga addaan assawa ken menor-de-edad
kas kadagiti nagbalin a biktima da iti Brgys. Bugbuga ken Coscosnong, Sta. Cruz,
Ilocos Sur.

Pakdaar met laeng daytoy iti 81 st IBPA nga agserserbi ita a guardia ti kagurgura ti
umili a proyekto a hydropower dam ti kapitalista a gangannaet babaen ti panagkampo
da iti mismo nga abay ti plano a pakaipasdekan ti dam idiay ili ti Salcedo, Ilocos Sur
ken ti awan sarday a combat operations da.

Daytoy a tactical offensive ket paset ti nailian a kampanya militar nga idadauluan ti
National Operational Command (NOC) ti NPA tapno dusaen ken rippuogen ti
terorista-pasista-diktadura a rehimeng US-Duterte.

Pagyamananti NPA-Ilocos Sur ti tuloy-tuloy a naregta a suporta ken pannakitinnulong
dagiti umili iti armado a dangadang. Aginggana nga agraraira ti pananggundaway ken
pannakairurumen ti dasig a marigrigat, agtultuloy nga umabante ti gubat ti umili.

Agbiag ti New People’s Army!
Agbiag ti rebolusyonaryo a masa!
Tumipon iti NPA!

Alfredo Cesar Jr. Command
New People’s Army – Ilocos Sur
10 August 2018 Ka Saniata Maglaya
Pablaak iti midya Spokesperson

Terorista a tropa ni Duterte, balligi a nadusa