Saan a bumaba iti 16 nga armado nga aksyon iti siyam a prubinsya ti insayangkat ti Bagong Hukbong Bayan (BHB) iti napalabas a dua a lawas. Ipakpakita daytoy ti determinasyon ti BHB a paayen ti ambisyon ti pasista a rehimen a buraken ti armado a rebolusyon.

Albay. Tinambangan ti maysa a yunit ti BHB ti lugan ti 93rd Special Action Companay-PNP idi Abril 3 iti Barangay Aliang, Ligao City. Dua a pulis ti napapatay ken dua ti sugatan. Awan ti sibilyan a nairaman iti operasyon, maisupadi iti isaksaknap ti ti militar.

Lanao del Norte. Pinabettakan dagiti Nalabbaga a mannakigubat dagiti agop-operasyon a soldado iti nabantay a paset ti Sityo Salingsing, Barangay Rogongon, Iligan City idi Marso 31, maika-11:00 ti bigat. Siyam a soldado ti naipadamag a natay ken uppat ti nasugatan. Iti malem na, pinaputokan ti maysa a yunit ti BHB ti detatsment ti CAFGU iti Sityo Binasan iti pareho a barangay. Maysa nga elemento ti CAFGU ti napapatay ken dua a soldado ti nasugatan. Saklaw ti 4th Mechanized Infantry Battalion ti 1st ID ti lugar.

Bukidnon. Lima a soldado ti napapatay iti serye ti atake ken kontra atake iti baet ti BHB-Bukidnon ken 1st Special Forces Battalion (SFB) idi Marso 20 iti San Rafael, Talakag. Uppat nga elemento ti napapatay idi tinambang ti BHB ti maysa a kolum ti 1st SFB a mangdakdakiwas iti kabakiran iti maika-3:00 ti malem. Sakbay daytoy, iti maika-10 ti bigat, rinaut ti 1st SFB ti kampo ti BHB no sadino ket 2 a Nalabbaga a mannakigubat ken maysa a soldado ti natay.

Agusan del Sur. Tinambang ti BHB ken napapatay ti maysa nga elemento ti CAFGU iti Barangay Sto. Niño Patrol Base iti Bayugan City idi Marso 28.

Oriental Mindoro. Maysa ti napapatay nga elemento ti 203rd Ibde idi pinaputokan ti BHB ti kampo da iti Malu, Bansud idi Marso 28 iti distansya a 10 a metro. Iti nakaro a pannakakigtot, awan sarday a nagputputok dagiti soldado.

Sorsogon. Napapatay iti operasyon a partisano idi Marso 28 ti parasiput ti 31st IB ken kameng ti CAFGU iti Barangay San Antonio, Barcelona.

Panay. Pito nga atake ti insayangkat ti puersa ti BHB iti isla kontra kadagiti soldado ken pulis. Idi Marso 30, tallo a daras da a pinaputokan dagiti agop-operasyon a soldado ti 12th IB iti nagan ti Retooled Comminity Support Program kadagiti barangay ti Siya ken Lahug iti Tapaz, Capiz. Rabii ti Marso 23, pinutukan da ti detatsment ti CAFGU iti Bagacay, Igbaras, Iloilo. Idi Marso 21, pinaputokan ti BHB dagiti pulis iti Grasparil, Sibolom, Antique. Iti sumaruno nga aldaw, tallo a pulis ti nasugatan kalpasan a pinaputokan ida ti BHB iti Onop, Miag-ao, Iloilo.

Iti Marso 29, naipadamag met ti BHB-Bicol ti armado nga aksyon daytoy iti Masbate ken Albay. Tinambang ken pinabettakan ti yunit daytoy dagiti agop-operasyon a soldado iti Masbate City. Napapatay ti dua a soldado ken maysa ti nasugatan. Iti Albay, pinasardeng met daytoy ti operasyon ti Ibalong Resource Development Company iti Barangay Miiti, Camalig, Albay. Mangdaddadael iti aglawlaw ken aga-agaw ti daga dagiti mannalon ti nasao a kumpanya.

Northern Samar. Nasugatan ti maysa a soldado kalpasan a tinambang dagiti Nalabbaga a mannakigubat iti Barangay Poponton, Las Navas idi Marso 6, Kabayatan na, inpakaammo met ti maysa a yunit ti BHB iti probinsya ti pannakatay ti maysa a pulis ken nasugatan ti maysa pay kalpasan ti nagsaruno nga operasyon a haras ti hukbo ti umili idi Pebrero 16-19.

Natay iti operasyon nga isnayp ti BHB ti maysa a soldado iti Barangay Tarabucan, Matuguinao, Western Samar idi Pebrero 4.