Pinaltogan ken natay iti paraangan ti engklabo iti Barangay Canlubang, Calamba ni Dandy Miguel idi Marso 28. Ni Miguel, mangmangged ti Fuji Electric Philippines, ket presidente ti unyon a Lakas ng Nagkakaisang Manggagawa iti Fuji Electric Philippines. Isuna met laeng ti bise presidente ti Pagkakaisa ng Manggagawa sa Timog Katagalugan.

Indauloan ni Miguel ti laban ti unyon para iti tinawen a nayon a sueldo a maipatungpal iti sumaruno a tallo a tawen ken ti panangipatungpal kadagiti addang iti salun-at kontra iti Covid-19. Maikasangapulo isuna kadagiti aktibista a napatay iti rehiyon idi Marso.

Iti Camarines Norte, pinatay ti 96th IB idi Marso 19 ti agama a mannalon a da Louis ken Jetly Buenavente.

Kamkamaten dagiti soldado ti yunit ti Bagong Hukbong Bayan (BHB) a nangreyd kadagiti pulis iti Purok 6, Barangay Dumagmang, Labo, Camarines Norte. Naiparang a Nalabaga a mannakigubat ti agama. Naburak ti rupa ti agama ken addaan ti tama ti bala iti barukong da.

Pagpamomba. Nasurok 15,000 a residente iti 15 a komunidad dagiti Mangyan ti napapanaw gapu iti panagkanyon ti 203rd IBde kadagiti barangay iti nagbeddengan ti Mansalay ken Roxas iti Oriental Mindoro idi Marso 25-26. Pinakanaapektado dagiti taga-Panaytayan iti Mansalay ken San Vicente iti Roxas.

Panagdukot. Tiniliw dagiti soldado ti 203rd IBde ti agkabsat a Kadlos ken Jeremy Lukmay, residente ti Sityo Kilapnit, Barangay Panaytayan idi agsapa ti Marso 25. Ni Kadlos ket masikog ken maysa a manursuro bayat a ti kabsat na ket maysa nga estudyante. Saan pay laeng nga inruar dagiti soldado isuda.