Naiyaramid dagiti selebrasyon para iti maika-52 nga anibersaryo ti pannakaitakder ti Bagong Hukbong Bayan (BHB) idi Marso 29 iti tengnga ti awan-sarday nga operasyon ti Armed Forves of the Philippines.

Rinambakan ti anibersaryo iti kaaw-awayan ken syudad ti southern Tagalog iti tengnga ti kumarkaro a pasista a panagraut ti rehimen a Duterte iti rehiyon. Sinarakusok dagiti immatendar ti selebrasyon ti nasedsed a pakat ti kabusor tapno makadanon iti kampo ti BHB iti rehiyon. Iti syudad, napigsa ti kiddaw iti BHB a maikkan ti rebolusyonaryo a hustisya dagiti biktima ti kinaranggas ti rehimen.

Sinaludoan ti BHB-Negros ti amin a Nalabbaga a kumander ken mannakigubat kadagiti balligi da ken ti panangitultuloy iti armado a pannakidangadang. Manipud iti 60 a puersa a nabati manipud naisayangkat ti Maikadua a Naindaklan a Tignayan ti Panagilinteg, iti agdama ket addan ti lima a laragan a gerilya a nakaaplag manipud amianan agingga na ti abagatan a Negros.

“Pakyas ang US-Duterte!” (Napaay ti rehimen nga US-Duterte!) ti panglukat a mensahe ti NDF Northeastern Mindanao Region. Inyawis ti Regional Operational Command ti rehiyon a rimbawan dagiti nagkapuyan a kas ti konserbatismo militar. Inpakaammo na daytoy ti uppat a dadakkel a taktikal nga opensiba no sadino a nakasamsam kadagiti nangato ti kalibre na nga armas iti Surigao del Norte ken Surigao del Sur.

Naiyaramid met ti programa iti Southern Mindanao Rgion.