Usa ka helikopter ang napahagba sa Kachin Independence Army (KIA) sa opensiba niini niadtong Mayo 3 sa Momauk, estado sa Kachin sa Myanmar (kanhin Burma). Ang KIA ang usa sa mga armadong grupo sa mga nasudnong minorya nga misukol sa huntang militar. Pipila ka semana na nga gibomba sa mga helikopter ug fighter jet sa hunta ang maong lugar. Matud sa tigpamaba sa KIA, nagresulta na sa pagkamatay sa tulo ka sibilyan ug pagkasamad sa siyam ka lain pa ang mga pagpamomba sa hunta. Lima ka libo na ang napugos nga magbakwit.

Kaniadto usang Abril 27, giokupa ug gisunog sa Karen National Liberation Army ang kampo militar sa utlanan sa Thailand ug Myanmar. Gihimo ang reyd human ang pagpamusil sa mga sundalo sa mga bangka sa mga sibilyan nga milatas sa suba. Isip balos, nagpadala og fighter jet ang hunta aron bombahan ang lugar.