KARABAN PARA KANG JORY PORQUIA. Naglunsad og misa ug karaban ang lain-laing progresibong organisasyon ug mga paryente ni Jory Porquia sa Iloilo City niadtong Abril 30 isip pagdumdum sa unang tuig sa pagpatay kaniya ug aron manawagan og hustisya. Si Porquia ang nagsilbing organisador sa Bayan Muna sa syudad. Lakip usab siya sa mga nagtukod sa unang mga community kitchen (kusinang bayan) sa lungsod nga nagtinguhang pakan-on ang mga kabus nga komunidad nga apektado sa pandemya.

HUSTISYA PARA KANG JOHN FAROCHILIN. Nagtapok ang mga paryente ug myembro sa Pamanggas atubangan sa Jaro Cathedral sa Iloilo City aron ipanawagan ang hustisya alang kang John Farochilin. Gipatay si Farochilin sa mga elemento sa AFP niadtong Abril 18, 2020.

KARABAN BATOK SA JEEPNEY PHASEOUT. Nagkaraban niadtong Abril 30 ang mga tsuper sa Baguio City aron kundenahon ang padayon nga pagpatuman sa programang “modernisasyon” sa rehimeng Duterte ug pag-phaseout sa tradisyunal nga dyip. Panawagan sa mga opereytor ug tsuper nga ipabilin ang kasamtangang modelo sa dyip ug ang ilang panginabuhian.