16-anyos nga estudyante, pinatay ti militar idiay Sultan Kudarat
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2021/02/20210207_HR_Farmer.png )
Pinaltugan ken pinatay ti 7th IB ti 16-anyos nga estudyante a ni Eusibio Cranzo, a mabigbig met met a ni kas Kuni Cuba, idiay Sityo Kiluding, Barangay Kiadsam, Sen. Ninoy Aquino, Sultan Kudarat idi Hunyo 9. Agaw-awid isuna kakuyog ti kabsat ken dua a gayyem na idi napasamak ti pammapatay.
Segun kadagiti report, nasabat da Cranzo ti agop-operasyon a yunit ti 7th IB idi pinaputukan da ida. Dagus a natamaan ni Cranzo, bayat a nakataray idiay asideg a kamaisan ti tallo a kadua na. Pinaruar dagiti soldado a nasamsam iti biktima ti maysa a riple a Garand ken pinabasul da a kameng ti New People’s Army.
Kabayatan na, nairekord iti dadduma pay a kaso iti panaglabsing iti karbengan-tao kadagiti napalabas a lawas.
Panangbomba. Mapatta-patta a 2,700 ti apektado iti aerial bombing ti 54th IB, 503rd IBde idiay Barangay Maling, Balbalan, Kalinga idi Hunyo 7. Dua a helikopter ti naobserbaran dagiti residente nga agrikus-rikus ken nangitennag ti bomba.
Idiay Nueva Vizcaya, walo daras a binomba ti 7th ID ti Barangay Abuyo, Alfonso Castañeda idi Hunyo 20 iti parbangon. Agsasaruno met laeng ti panagpaputok ti dua nga attack helicopter ken nagusar ditoy ti AFP kadagiti drone.
Panagaresto. Sangapulo nga aldaw a nabalud ni Edison Yu kalpasan nga arestuen dagiti pulis idi Hunyo 8 asideg iti embahada ti Israel idiay Bonifacio Global City, Taguig City. Ni Yu ket dumar-ay koma iti protesta kontra-henosidyo ti Israel idi kinemmeg da isuna.
Idiay Kalinga, inaresto iti 54th IB ti maysa nga agnagan iti Gap-idan Claver Bawit a pabpabasulen da a mannakigubat ti NPA idiay Barangay Balantoy, Balbalan idi Hunyo 6.
Pananglipit. Idiay Bulacan, rineyd iti 80th IB ken pulis ti balay ti lider-pesante a ni Ronnie Manalo idiay Barangay San Roque, San Jose del Monte City idi Hunyo 18. Parparuaren dagiti pulis a naala idiay balay na dagiti armas, granada ken dadduma pay nga alikamen uray awan ti tao. Iti kapada nga aldaw, napan dagiti soldado iti balay ti lider-pesante a ni Cecilia Rapiz idiay Barangay Paradise 3 iti dayta a syudad.
Idiay Rizal, paulit-ulit a linipit dagiti soldado ti 80-anyos a lider-mangngalap a ni Romy Antazo. Idi Mayo, innala isuna ti uppat a soldado ken pwersado nga inpan da iti munisipyo tapno “kapatan.”
Idiay Negros Occidental, iligal a sinerrek ken sinukain dagiti soldado ti 94th IB ken paramilitar ti pito a balay idiay Sityo Cabagal, Barangay Buenavista, Himamaylan City idi Hunyo 7. Linipit met laeng dagiti soldado ni Evelyn Manait, kameng iti Ituman-Bukidnon, idiay Barangay Amontay, Binalbagan idi Hunyo 13.
Idi umuna a lawas iti Hunyo, “binisita” dagiti pwersa ti estado dagiti lider-katutubo iti Cagayan Valley a da Mafel Macalanda ken Lina Ladino, iti balay da idiay Baguio City ken Cagayan tapno pangtaan ida nga arestuen.