Nagprotesta ang mga grupong nasudnon-demokratiko sa sulod ug gawas sa nasud aron kundenahon ang nagpadayon nga neokolonyal nga paghari sa imperyalismong US sa nasud niadtong Hunyo 12, adlaw sa mini nga kagawasan sa nasud.

Nagmartsa sila padulong sa embahada sa US sa Roxas Boulevard ug nanawagan sa katawhang Pilipino nga ibutyag ug babagan ang imperyalismong US ug ipakigbisog ang tinuod nga kagawasan ug demokrasya sa Pilipinas.

Samtang, nagkaraban ang mga demokratikong organisasyon sa Southern Tagalog sa mga lungsod sa Cavite, lakip sa Kawit kung asa gideklara ang mini nga kagawasan sa Pilipinas. Sa Cebu City, naghimo usab og demonstrasyon sa Colon Street.

Lain-laing aktibidad ug protesta usab ang gilunsad sa San Francisco ug Los Angeles sa California, sa Washington, Chicago ug Oregon sa US.

Samtang, nagpagula og pamahayag ang mga balangay sa National Democratic Front of the Philippines gikan sa lain-laing rehiyon ug ang mga alyadong organisasyon niini kalabot sa adlaw sa mini nga kagawasan. Matud nila, ang pagkab-ot sa tinuod nga kagawasan sa nasud Pilipinas mahitabo lamang sa kadaugan sa demokratikong rebolusyon sa katawhan.