Adlaw sang peke nga kahilwayan, gindumdom sa mga rali
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2024/06/20240612.us-embassy-protest-1024x683.jpg )
Nagprotesta ang mga grupo nga pungsodnon-demokratiko sa sulod kag gwa sang pungsod para kundenaron ang nagapadayon nga neokolonyal nga paghari sang imperyalismong US sa pungsod sadtong Hunyo 12, adlaw sang peke nga kahilwayan sang pungsod.
Nagmartsa sila padulong sa embahada sang US sa Roxas Boulevard kag nagpanawagan sa pumuluyong Pilipino nga ibuyagyag kag pamatukan ang imperyalismong US kag ipakigbato ang matuod nga kahilwayan kag demokrasya sa Pilipinas.
Samtang, nagtigayon sang karaban ang mga demokratiko nga organisasyon sang Southern Tagalog sa mga banwa sang Cavite, kabahin sa Kawit kung sa diin gindeklarar ang peke nga kahilwayan sang Pilipinas. Sa Cebu City, naglunsar man sang demonstrasyon sa Colon Street.
Nagkalain-lain nga aktibidad kag hublag naman ang ginlunsar sa San Francisco kag Los Angeles sa California, sa Washington, Chicago kag Oregon sa US.
Samtang, nagpagwa sang pahayag ang mga sanga sang National Democratic Front of the Philippines halin sa nagkalain-lain nga rehiyon kag mga alyado nga organisasyon sini kaangot sang adlaw sang peke nga kahilwayan. Sandig sa ila, ang pag-angkon sang lubos nga kahilwayan sang pungsod Pilipinas ang mahitabo lamang sa pagdaog sang demokratiko nga rebolusyon sang banwa.