Aldaw ti ubbaw a wayawaya, linagip kadagiti rali
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2024/06/20240612.us-embassy-protest-1024x683.jpg )
Nagprotesta dagiti grupo a nailian-demokratiko iti uneg ken ruar ti pagilian tapno kondenaren ti agtultuloy a neokolonyal a panagturay ti imperyalismo nga US iti pagilian iti aldaw ti ubbaw a wayawaya iti pagilian idi Hunyo 12.
Nagmartsa da agturong embahada iti US idiay Roxas Boulevard ken nagpanawagan iti umili a Pilipino nga ibutaktak ken supiaten ti imperyalismo nga US ken ilaban ti pudno a wayawaya ken demokrasya ti Pilipinas.
Kabayatan na, nagirussuat ti karaban dagiti demokratiko nga organisasyon ti Southern Tagalog kadagiti ili ti Cavite, karaman ti Kawit nu sadinno a naideklara ti ubbaw a wayawaya ti Pilipinas. Idiay Cebu City, nairusuat met laeng ti demonstrasyon idiay Colon Street.
Nadumaduma nga aktibidad ken panagtignay met ti nairusuat idiay San Francisco ken Los Angeles idiay California, idiay Washington, Chicago ken Oregon idiay US.
Kabayatan na, nangiruar ti pablaak kanaig ti ubbaw a wayawaya dagiti balangay ti National Democratic Front of the Philippines manipud iti nadumaduma a rehiyon ken dagiti alyado nga organisasyon na. Kunada, ti pananggun-od iti naan-anay a wayawaya iti pagilian a Pilipinas ket mapasamak laeng iti panagballigi ti demokratiko a rebolusyon iti umili.