Niadtong Hunyo 10, nagpiket-protesta ang mga progresibong organisasyon sa mga mag-uuma, mangingisda ug tigpanalipud sa katungod sa yuta sa pagpanguna sa Kilusang Magbubukid ng Pilipinas atubangan sa DAR sa Quezon City dungan sa ika-36 ka tuig sa CARP. Gikundena nila ang kadunot sa pinakadugay, pinakagasto, ug pinakamalupigong “reporma sa yuta.”

Misalmot sa protesta ang mga mag-uuma gikan sa Bulacan nga biktima sa bogus nga CARP. Pipila kanila naggikan sa mga lungsod sa San Mateo ug Norzagaray nga gipalayas sa ilang yutang giugmad niadtong 2018. Nakighiusa usab ang mga mag-uuma gikan sa San Jose del Monte City nga ginailugan og yuta sa mga agalong yutaan ug dagkung developer nga ginakumbert ang kapuslanan sa yutang agrikultural.