Protesta sang mangunguma sa ika-36 nga tuig sang CARP
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2023/06/20230621_CARP.png )
Sadtong Hunyo 10, nagpiket-protesta ang mga progresibo nga organisasyon sang mga mangunguma, mangingisda kag tigtib-ong sang kinamatarung sa duta sa pagpanguna sang Kilusang Magbubukid ng Pilipinas sa atubang sang DAR sa Quezon City kadungan sa ika-36 nga tuig sang CARP. Ginkundenar nila ang kagarukan sang pinakamadugay, pinakamagasto, kag pinakamapamigos nga “reporma sa duta.”
Nakigbahin sa protesta ang mga mangunguma halin sa Bulacan nga biktima sang bogus nga CARP. Pila sa ila ang halin sa mga banwa sang San Mateo kag Norzagaray nga ginpalayas sa ila dutang ulumhan sadtong 2018. Nagkig-ugyon man ang mga mangunguma halin sa San Jose del Monte City nga ginaagawan sang duta sang mga agalon mayduta kag dalagko nga developer nga ginalain ang gamit sang dutang ulumhan.