Idi Hunyo 10, nagpiket-protesta iti sango ti DAR idiay Quezon City dagiti progresibo nga organisasyon dagiti mannalon, mangngalap ken mangitantandudo iti karbengan iti daga iti panangiyuna ti Kilusang Magbubukid ng Pilipinas kagiddan ti maika-36 tawen ti CARP. Kinundenar da ti kinabulok ti kabayagan, kagastaran, ken karanggasan a “reporma iti daga.”

Limmaok iti protesta dagiti mannalon manipud iti Bulacan a biktima ti ubbaw a CARP. Ti dadduma kadakuada ket naggapu iti ili ti San Mateo ken Norzagay a napadisi iti daga a suksukayen da idi 2018. Nakikaykaysa met laeng dagiti mannalon manipud iti San Jose del Monte nga ag-aguman iti daga dagiti apo’t daga ken dadakkel a developer a mangbalbaliw iti usar ti daga a mataltalon.