Eleksyon sa Venezuela, gihilabtan sa US
![](https://philippinerevolution.nu/wp-content/themes/prwc/images/ablogo.png)
![]( https://philippinerevolution.nu/wp-content/uploads/2024/07/venezuela-president-nicolas-maduro-claims-victory-in-presidential-election.jpg )
NAGMALAMPUSON ANG ELEKSYONG presidensyal sa Venezuela niadtong Hulyo 28. Subling nakadaog si presidente Nicolas Maduro, usa sa mga lig-ong anti-imperyalistang lider sa Latin America. Nakakuha siya og 51.2% sa mga boto, batok sa iyang kalaban nga si Edmundo Gonzalez Urrutia, nga nakakuha og 44.2%.
Gisulayan sa US ug mga alyado niini sa Latin America nga samukon ang eleksyon pinaagi sa pag-hack sa data transmission system nga nagresulta sa pagkalangan sa pagpagawas sa resulta sa ihap sa boto. Sa dihang wala kini nagmalampuson, gi-deklara nila nga “gilimbongan” ang eleksyon ug giila si Urrutia isip “midaog” bisan walay ebidensya sa pagpanikas.
Si Urrutia ang gipuling kandidato sa oposisyon nga si Maria Corina Machado, nga gibawalang modagan tungod sa iyang pagsuporta sa US sa pagpahamtang og mga ekonomikanhong sangsyon nga nagpaantus sa Venezuela, ug sa pagpanawagan alang sa langyawng interbensyong militar aron palagputon si Maduro.