NAGPAHAYAG SANG KAHANGAWA ang mga residente sang Barangay San Rafael, Rodriguez, Rizal sa gintakod sang National Commission on Indigenous Peoples (NCIP) nga “libre nga wifi” sa ila nga barangay sadtong Mayo. Nakahibalo sila nga ginbutang ini para panilagan sila sang National Task Force-Elcac.

Suno sa report, mismo ang NCIP ang nagbuyagyag sang katuyuan sang “libre nga serbisyo.” Sa isa ka sinapol sadtong Mayo 24, ginsugo sang mga tinawo sini ang mga residente nga gamiton ang libre nga wifi para “makig-angot sa NTF-Elcac kag magreport sang mga masagap nga balita agud mapabilin ang kalinong sa barangay.”

Para makagamit, kinahanglan ihatag sang magagamit ang iya ngalan, edad kag kasarian. Buot silingon, pagatipunon sang NCIP kag NTF-Elcac ang personal nga impormasyon sang mga magagamit sang serbisyo. Gintukod ang “libre nga serbisyo” katimbang ang United Nations Development Programme kag Broadband ng Masa.